Act 17 | Ndebele | STEP | Kwathi sebedabule iAmfipholi leApoloniya, bafika eThesalonika , lapho okwakukhona isinagoge lamaJuda;

1 Kwathi sebedabule iAmfipholi leApoloniya, bafika eThesalonika ^a, lapho okwakukhona isinagoge lamaJuda; 2 njalo njengomkhuba kaPawuli wangena kuwo ^b, wakhulumisana lawo ngokuvela emibhalweni ^c okwamasabatha amathathu, 3 evula etshengisa ^d ukuthi kwakufanele uKristu ahlupheke avuke kwabafileyo ^e, lokuthi: UJesu lo ^f, mina engimtshumayela kini, unguKristu. 4 Labanye babo bakholwa, bazihlanganisa loPawuli ^g loSilasi ^h, njalo ixuku elikhulu lamaGriki ⁱ akhonzayo ^j, lakwabesifazana abadumileyo abangabalutshwana ^k. 5 Kodwa amaJuda angakholwayo ^l aba lomona ^m, athatha amanye amadoda amabi angamavila emdangeni, enza ixuku, adunga umuzi ⁿ; ahlasela indlu kaJasoni ^o, edinga ukubakhuphela ebantwini; 6 kwathi engabatholi, adonsela uJasoni labazalwane abathile kubaphathi bomuzi ^p, ememeza esithi: Laba ^q abayaluzelisa ^r umhlaba, bona sebefikile lalapha ^s, 7 uJasoni abemukeleyo ^t; lalaba bonke benza okuphambene lemithetho kaKesari ^u, besithi kukhona enye inkosi, enguJesu ^v. 8 Asedunga ixuku labaphathi bomuzi besizwa lezizinto. 9 Kwathi sebethethe isibambiso kuJasoni lakwabanye, abakhulula.

UPawuli utshumayela eBeriya

10 Njalo abazalwane ^w bahle basusa uPawuli ^x loSilasi babathuma eBeriya ebusuku ^y; okwathi sebefikile khona basuka baya esinagogeni lamaJuda ^z. 11 Lawo ayelungile kulalawo aweThesalonika ^aa, emukela ilizwi ngokuvuma konke, ehlolisisa imibhalo ^ab insuku ngensuku, ukuthi zinjalo yini lezizinto ^ac. 12 Ngakho amanengi kuwo akholwa, lakwabesifazana abahloniphekayo abangamaGriki lakwabesilisa abangabalutshwana ^ad. 13 Kodwa kwathi amaJuda eThesalonika esekwazi ukuthi ilizwi likaNkulunkulu liyatshunyayelwa nguPawuli leBeriya ^ae, eza lakhona enyakazelisa amaxuku. 14 Njalo ngalesosikhathi abazalwane bahle bamthuma uPawuli kungathi uya elwandle ^af; kodwa uSilasi ^ag loTimothi ^ah basala khona. 15 Lalabo ababephelekezela uPawuli ^ai, bamfikisa eAtene ^aj; sebemukele umlayezelo ^ak oya kuSilasi ^al loTimothi, ukuthi beze kuye ngokuphangisa okukhulu, basuka bahamba ^am.

UPawuli utshumayela eAtene

16 Kwathi uPawuli esabalindele eAtene, umoya wakhe wakhathazeka phakathi kwakhe, ebona umuzi ugcwele izithombe ^an. 17 Ngakho waphikisana ^ao lamaJuda esinagogeni ^ap labanye abakhonzayo ^aq, lasemdangeni insuku zonke lalabo ahlangana labo. 18 Labathile kuzo izazi zamaEpikuri lamaStoyiki baphikisana laye. Labanye bathi: Uwumane ^{▼▼ uwumane: kumbe, umuntu ophansi.} lolu lufuna ukuthini? Kodwa abanye bathi: Kungathi ungotshumayela onkulunkulu bezizweni; ngoba ngevangeli watshumayela kubo uJesu ^as lokuvuka kwabafileyo ^at. 19 Basebemthatha, bamusa eAreyopagu besithi: Singazi yini ukuthi iyini limfundiso entsha oyifundisayo? 20 Ngoba uletha indaba ezimangalisayo ezithile endlebeni zethu; ngakho sifisa ukwazi ukuthi lezizinto ziyini. 21 Ngoba bonke abeAtene lezethekeli ezihlala khona babechitha isikhathi kungeyisikho ngolutho olunye, ngaphandle kokutshela lokuzwa into entsha ^au.

22 Kwathi uPawuli esima phakathi kweAreyopagu, wathi: Madoda maAtene, ngiyabona ukuthi ezintweni zonke kungathi lilenkolelo enkulu ^av. 23 Ngoba ngithe ngidabula ngikhangela izinto zenu elizikhonzayo, ngasengifica ilathi elilotshwe ukuthi: KUNKULUNKULU ONGAZIWAYO ^aw. Lowo-ke elimkhonza lingamazi, nguye mina engimtshumayela kini ^ax. 24 UNkulunkulu owenza umhlaba lakho konke okukuwo ^ay, yena, oyiNkosi yezulu lomhlaba ^az, kahlali emathempelini ^ba enziwe ngezandla ^bb, 25 futhi kakhonzwa ngezandla zabantu, njengoswela ulutho ^bc, ngoba yena uqobo lwakhe uyabapha bonke impilo lokuphefumula lazo zonke izinto ^bd; 26 njalo wazenza zonke izizwe zabantu zivela egazini linye, ukuthi zihlale ebusweni bonke bomhlaba, wazimisela izikhathi eziqunyiweyo ngaphambili ^be lemingcele yokuhlala kwazo ^bf; 27 ukuze zidinge iNkosi, ukuthi mhlawumbe sibili zimuzwe zimthole, njalo kanti kakhatshana kulowo lalowo wethu ^bg. 28 Ngoba kuye siphila njalo sihamba futhi sikhona ^bh; njengoba lembongi ezithile zakini zithe: Ngoba futhi siyinzalo yakhe ^bi. 29 Ngakho lokhu siyinzalo kaNkulunkulu, kakufanele ukuthi sinakane ukuthi ubuNkulunkulu bunjengegolide kumbe isiliva loba ilitshe, okubazwe ngeminwe langokunakana kwabantu ^bj. 30 Ngakho izikhathi zokungazi uNkulunkulu kazinanzanga ^bk, kodwa khathesi uyalaya bonke abantu endaweni zonke ukuthi baphenduke ^bl; 31 ngoba umisile usuku, azakwahlulela ^bm ngalo umhlaba ngokulunga ^bn, ngendoda ayimisileyo ^bo, waqinisa ^{▼▼ waqinisa: kumbe, wapha ukholo.} kubo bonke, ngokuyivusa kwabafileyo ^bq. 32 Kwathi besizwa ngokuvuka kwabafileyo ^br, abanye bahleka usulu; kodwa abanye bathi: Sizaphinda sikuzwe ngalokhu ^bs. 33 Langokunjalo uPawuli waphuma phakathi kwabo. 34 Kodwa amadoda athile anamathela kuye, akholwa; phakathi kwawo kwakukhona loDiyonisiyu umAreyopagu ^bt, lowesifazana obizo lakhe nguDamari, labanye kanye labo.